झापाको शिवसताक्षी नगरपालिका-३ पाराबारीको भानु माध्यमिक विद्यालयमा अध्ययनरत विद्यार्थीलाई पोशाक वितरण गरिएको छ ।
विद्यालय व्यवस्थापन समितिका अध्यक्ष गणेशबहादुर राईको अध्यक्षतामा साप्ताहिक कार्यक्रमको अवसर पारेर शुक्रवार पोशाक वितरण गरिएको हो ।
नेपाल प्रज्ञा पतिष्ठानका प्राज्ञ सुमित्रा बाङ्देल (चेली) को प्रमुख आतिथ्यमा युकेमा रहँदै आएका सुरेन दिम्माली राईको आर्थिक सहयोगमा पोशाक वितरण गरिएको छ ।
राईबाट विद्यालयलाई २० हजार सहयोग उपलब्ध गराउन प्राज्ञको पहलकदमी रहेको थियो । सो रकमबाट बालविकासदेखि कक्षा ८ सम्मका जम्मा १९ जना बालबालिकाहरुलाई भव्य कार्यक्रमबीच पोशाक वितरण गरिएको छ । अभिभावकहरुको प्रत्यक्ष उपस्थितिमा छात्राछात्रहरुलाई सर्ट, प्यान्ट, फ्रक, जुत्ता मोजा गरीप्रति सेट सबैलाई पोशाक प्रदान गरिएको थियो ।
कार्यक्रममा पोशाक वितरण लगत्तै वडा ३ का वडाध्यक्ष भास्कर न्यौपानेले स्थानीय तहबाट शिक्षा क्षेत्रमा विविध योजना सञ्चालन गर्दै भानु माविका वडा जनप्रतिधि सदैव लागिरहेको दाता पाइरहेकोमा आफ्नो वडाबासी सबै खुशी रहेको भन्दै धन्यवाद आभार प्रकट गरेका थिए ।
विद्यालय व्यवस्थापन समिति, पिटिए, जनप्रतिनिधि लगायतको उपस्थिति रहेको कार्यक्रममा विव्यस सदस्य प्रेम खनालले भानुमाविले दाताहरु ल्याउन सफल भइरहेको बताए ।
विद्यालयको साप्ताहिक कार्यक्रम शुक्रबार कविता प्रतियोगिता आयोजना गरी ११ जना सहभागीमध्ये दुई जनालाई सान्त्वना, क्रमश: तृतिय, द्वितीय र प्रथमलाई पुरस्कार तथा सहभागी सबैलाई सहभागिता पुरस्कार प्रदान गर्न पुरस्कारको प्रायोजन बाङ्देल (चेली) ले नै व्यवस्थापन गरेकी थिइन् ।
सरु भट्टराई स्वागत गरेको पोशाक वितरण कार्यक्रम साथै पुरस्कार वितरण कार्यक्रमको सञ्चालन तथा दाता र विद्यालयवीचको समन्वय तथा सहजीकर्णको भूमिका विद्यालयका शिक्षक खुबबहादुर राई (सञ्जय) मार्फत भएको जनाइएको छ।
