झापाको बिर्तामोड नगरपालिका-६ बुट्टाबारीमा अवस्थित स्मार्ट एभरेष्ट एजुकेशन एकाडेमीले अभिभावकअभिमूखीकरण कार्यक्रम गरेको छ ।
एभरेष्टले आज विद्यालयमा जीवनोपयोगी तथा प्रेरणादायी कार्यक्रम अन्तरगत एक दिने अभिभावक प्रशिक्षण कार्यक्रम गरेको हो ।
बालबालिकाका लागि अभिभावक पहिलो पाठशाला भएकाले नयाँ ज्ञान र उनीहरूमा देखिएका समस्या समाधानका लागि अभिमूखिकरण फलदायी हुने विद्यालयका प्रिन्सिपल अनुप शर्मा बताए ।
राष्ट्रिय तथा अन्तर्राष्ट्रिय स्तरमै ख्याति प्राप्त वरिष्ठ प्रशिक्षक मनोपरामर्शदाता तथा उत्प्रेरक वक्ता ईश्वर श्रेष्ठले अभिमूखिकरणको सहजीकरण गरेका छन् ।
स्मार्ट एभरेष्ट एजुकेशन एकाडेकीका प्रिन्सिपल अनुप शर्माको अध्यक्षतामा भएको कार्यक्रममा बिर्तामोड नगरपालिका शिक्षा शाखा प्रमुख तीलचन भण्डारीको प्रमुख आतिथ्यता रहेको थियो ।
उक्त अवसरमा प्रमुख अतिथि भण्डारी, बिर्तामोड नगर प्याब्सन अध्यक्ष सुरेन्द्र खरेल, न्युटन्स एजुकेशन एकेडेमीका प्रिन्सिपल देवेन्द्र हुमागाई लगायतले आ-आफ्नो धारणा राखेका थिए ।
वत्ताहरुले शिक्षासेवी स्व.हरि प्रसाईंले शिक्षा क्षेत्रमा पुर्याएको योगदानको चर्चा गरेको कार्यक्रममा विद्यालय व्यवस्थापन समितिकी सदस्य निरु उप्रेती ओली, बालबालिका तथा शिक्षा सञ्चार मञ्च झापा अध्यक्ष सरोज पौडेललगायतको आतिथ्य रहेको थियो भने अभिभावकहरुको बाक्लो उपस्थिति रहेको थियो ।
शिक्षक तेजेन्द्र कोइरालाले मन्तव्यबाट स्वागत गरेको कार्यक्रमको सञ्चालन स्मार्ट एभरेष्टकी प्राथमिक तहकी इन्चार्ज सावित्रा भट्टराईले गरेकी थिइन् ।
