नेकपा एमाले कोशी प्रदेश कमिटीको विज्ञान तथा प्रविधि विभागले आयोजना गरेको तीन दिने प्रदेशस्तरीय विज्ञान प्रदर्शनी झापाको बिर्तामोडमा सुरु भएको छ।

देवी माध्यमिक विद्यालयमा आयोजित उक्त प्रदर्शनीको उद्घाटन पूर्वराष्ट्रपति विद्यादेवी भण्डारीले मोबाइल एप ‘टच’ प्रयोग गरी दीप प्रज्वलन गरेकी हुन् ।

Advertisement

विज्ञान तथा प्रविधि विभाग कोशी प्रदेश कमिटी अध्यक्ष गणेश पोखरेलको अध्यक्षतामा भएको उद्घाटन समारोहमा कार्यक्रमका प्रमुख अतिथि भण्डारी, नेकपा एमालेका स्थायी कमिटी सदस्य शेरधन राई लगायतले शुभकामना मन्तव्य राखेका थिए ।

जेठ २६ गतेसम्म सञ्चालन हुने प्रदर्शनीमा पाँच सय विद्यार्थी प्रतिस्पर्धात्मक रूपमा सहभागी छन् भने १ लाख विद्यार्थीको सहभागिता रहने अनुमान गरिएको आयोजकले जनाएको छ ।