सरकारले शिक्षा क्षेत्रमा बजेट वृद्धि गरेको छ ।

आज संघीय संसदको संयुक्त बैठकमा अर्थमन्त्री विष्णुप्रसाद पौडेलले आर्थिक वर्ष २०८२/०८३ को बजेट प्रस्तुत गर्दै शिक्षा, विज्ञान तथा प्रविधि मन्त्रालयको लागि २ खर्ब ११ अर्ब १७ करोड बजेट विनियोजन गरेको घोषणा गरेका थिए ।

Advertisement

सरकारले गत आर्थिक वर्ष शिक्षा मन्त्रालयमा लागि २ खर्ब ३ अर्ब ६६ करोड २० लाख बजेट विनियोजन गरेको थियो ।

त्यस्तै सरकारले माध्यमिक शिक्षा परीक्षा (एसईई) सञ्चालन तथा अनुगमनको व्यवस्था प्रदेश सरकार मातहतबाट गर्ने भएको छ ।

आउँदो आर्थिक वर्ष २०८२/८३ को बजेट सार्वजनिक गर्दै अर्थमन्त्री पौडेले यो जानकारी दिएका हुन् ।