शिक्षा, विज्ञान तथा प्रविधिमन्त्री रघुजी पन्तले विद्यालय शिक्षा ऐन १५ असारभित्रै ल्याउने बताएका छन् ।

मंगलबार संसद् भवनमा सञ्चारकर्मीसँग मन्त्री पन्तले महासंघसँग भएको सहमति अनुसार समयमै ऐन जारी गर्ने बताएका हुन् ।

Advertisement

‘शिक्षक महासंघसँग वार्तामा छौं । १५ असारसम्मको डेटलाइन छ । त्यो भन्दा अगाडि नै ल्याउने प्रयत्नमा छौँ,’ मन्त्री पन्तले भने ।

शिक्षक महासंघले पनि शिक्षा मन्त्रालयसँग संवादमा रहेको बताएको छ । विद्यालय शिक्षा विधेयकको उपसमितिको प्रतिवेदनमा महासंघले असहमति जनाएपछि मन्त्रालयले फेरि वार्ता गरिरहेको हो ।