अर्जुनधारामा समावेशी शिक्षाका लागि शिक्षक र विद्यालय व्यवस्थापन समितिहरुलाई दुई दिने अभिमुखीकरण तालिम सम्पन्न भएको छ ।
अपाङ्गता रोकथाम तथा पुन:स्थापना कार्यक्रम अन्तर्गत अर्जुनधारा नगरपालिका भरिका २८ वटा सामुदायिक विद्यालयका प्रधानाध्यापक तथा विद्यालय व्यवस्थापन समितिका अध्यक्ष एवम् प्रतिनिधिहरु गरी ५६ जनालाई अर्जुनधारा नगरपालिकाले अभिमूखिकरण दिएको थियो ।
जेठ ८ देखि ११ गतेसम्म दुई समूह बनाएर चार दिनसम्म तालिम सञ्चालन गरिएको तालिमका अध्यक्ष तथा प्रमुख प्रशासकीय अधिकृत तिलोचन रिमालले बताए ।
कार्यक्रममा समुदाय एवम् विद्यालयमा विभिन्न खाले अपाङ्गता भएका बालबालिकाहरुलाइ पहिचान गरि विद्यालयमा उनीहरुको यथोचित ब्यवस्थापन गरि पठनपाठन गर्न सहज बनाउन उनीहरुको क्षमता अभिवृद्धी, श्रोत कक्षा र शिक्षण, पुन: स्थापनका र अपाङ्गता न्यूनीकरण गर्न लागि प्रधानाध्यापक, शिक्षक एवम् विद्यालय व्यवस्थापन समितिका अध्यक्ष तथा सरोकारवाला अभिभावकहरुलाई तालिम सञ्चालन गरिएको हो ।
करुणा फाउन्डेसन, सामाजिक विकास मन्त्रालय कोशी प्रदेश, राष्ट्रिय अपाङ्गता महासंघ कोशी प्रदेश र अर्जुनधारा नगरपालिकाको संयुक्त आयोजनामा सञ्चालित कार्यक्रममा प्रमुख अतिथि नगर प्रमुख बलदेव गोम्देन र उपप्रमुख खड्गमाया पराजुलीले शुभकामना मन्तव्य राखेका थिए ।
शिक्षा युवा तथा खेलकुद शाखाको आयोजनामा सञ्चालित तालीमको सहजीकरण शिक्षा शाखा प्रमुख हरिबहादुर कुँवरले गरेका थिए भने कार्यक्रम सञ्चालन शाखाकी प्राबिधिक सहायक समिरा दाहालले गरेकी थिइन् ।
