खेलकुद विकास समिति वडा नं.९ बिर्तामोडको आयोजनामा भएको प्रथम वडास्तरीय भलिबल प्रतियोगितामा वडा नं.३ च्याम्पियन बनेको छ ।
आज भएको फाइनल भिडन्तमा वडा नं.६ लाई “बेस्ट अफ फाइभ” मा लगातार तीन सेटमा पराजित गर्दै वडा नम्बर ३ ले उपाधि हात पारेको हो ।
विजेता वडा नं.३ ले ट्रफी, मेडल, प्रमाणपत्र सहित नगद ३१,००० प्राप्त गरेको छ भने उपविजेता वडा नं.६ ले ट्रफी, मेडल, प्रमाणपत्रसहित नगद २१, ००० प्राप्त गरेको छ। प्रतियोगितामा बिर्तामोड नगरका १० वटै वडाबाट टोलीहरू सहभागी भएका थिए ।
प्रतियोगिताका विभिन्न विधामा उत्कृष्ट भएका खेलाडीहरुलाई पुरस्कृत गरिएको छ । प्रतियोगिताको सर्वोत्कृष्ट खेलाडीमा विजेता टोलीका ध्रुव भण्डारी, सर्वोत्कृष्ट स्पाइकरमा उपविजेता टोलीका लिला डाँगी, सर्वोत्कृष्ट डिफेन्समा समिर बस्नेत, सर्वोत्कृष्ट लिफ्टरमा सविन थापा, उत्कृष्ट सर्भर रोहन शर्मा सम्मानित भएका छन् ।
