बिर्तामोडमा अवस्थित न्युटन्स् एजुकेसन एकेडेमीले न्युटन्स् बाल क्लब तथा न्युटन्स् स्काउट दलको संयुक्त आयोजनामा बिहिवार मिनी म्याराथन सम्पन्न गरेको छ ।

अन्तर्राष्ट्रिय मजदुर दिवसको अवसरमा विद्यार्थीको शारीरिक तन्दुरुस्ती तथा दिवसको महत्त्व बुझाउदै आयोजना गरिएको म्याराथनमा कक्षा ८, ९ र १० का छात्रछात्रा गरी करिब ८० जनाको सहभागिता रहेको थियो ।

Advertisement

‘अध्ययन, रमाइलो र शारीरिक तन्दुरुस्ती’ को नाराका साथ एभरेस्ट स्मार्ट स्कुल बुट्टाबारीबाट न्युटन्स् एकेडेमी सम्मको करिब ३ किलोमिटर दुरी विद्यार्थीहरुले दौडिएर पूरा गरेका थिए ।

विद्यालयका प्रिन्सिपल देवेन्द्र हुमागाईंले यस्ता कार्यक्रमहरूले विद्यार्थीको शारीरिक तन्दुरुस्ती कायम राख्दै शारीरिक, मानसिक रुपले पनि सबल बनाउन म्याराथन गरिएको बताए ।

दौडमा सहभागी विद्यार्थीहरुलाई मायाको चिनो वितरण गरिएको थियो ।