शिक्षा, विज्ञान तथा प्रविधिमन्त्री रघुजी पन्त नेपाल शिक्षक महासंघका नेतासँग वार्ता गर्न मन्त्रालयमा कुरेको कुर्यै भएका छन् ।
शुक्रबार तीन बजे वार्ताका लागि समय तय भएको थियो । तर शिक्षक महासंघका नेताहरू मन्त्रालय नगई फर्किएका छन् ।
शिक्षक महासंघले नै उपलब्ध गराएको नाम अनुसार नै सिंहदरबारको गेटमा २५ जनाको नाम टिपाइएको मन्त्रालयले जनाएको छ । २५ जनाको टोलीको नाम सामाजिक सञ्जालमा सार्वजनिक भएपछि शिक्षकको टोली वार्तामा नगई फर्किएको पाइएको छ ।
महासंघका अध्यक्ष लक्ष्मीकिशोर सुवेदी भने २५ जनाको नामावली महासंघले नदिएको बताउँछन् । वार्ताबाट नै शिक्षकको माग सम्बोधन गर्न सरकार तयार रहेको मन्त्री पन्तले बताए ।
सर्वोच्च अदालतले विद्यार्थीको पठनपाठन सञ्चालन गर्ने गरी तीन दिनभित्र शिक्षकको माग सम्बोधन गर्न बिहीबार आदेश दिएको छ । सोही अनुसार मन्त्रालयले आज नै शिक्षकहरूलाई वार्तामा बोलाएको हो ।
