बिर्तामोडमा आयोजित प्रथम बिर्तामोड च्याम्पियनसीप स्नुकर प्रतियोगिताको उपाधि आकाश गजमेरले जितेका छन् ।
बिर्तामोडका आकाशले कनकाई नगरपालिकाका विशाल तामाङलाई पराजित गर्दै पहिलो संस्करणको च्याम्पियन बनेका हुन् । आकाशले ६-१ को सोझो सेटमा विशाललाई पराजित गरेका हुन् । फाइनल खेल बेस्ट अफ इलिभेन फर्मेटमा सञ्चालित थियो ।
बिर्तामोड नगर खेलकुद विकास समितिले आयोजना गरेको प्रतियोगितामा आकाशले ४० जना प्रतिस्पर्धीलाई पछि पारेर उपाधिसँगै नगद २५ हजार र ट्रफी पाए । उनी हाइएस्ट ब्रेक ९४८० बन्दै थप नगद ५ हजार र ट्रफी जित्न सफल भएका छन् ।
रनरअप बनेका विशालले नगद ११ हजार र ट्रफीमा चित्त बुझाएका हुन् । विजेता तथा उपविजेता दुवै जनालाई बिर्तामोड नगरपालिकाका कार्यवाहक प्रमुख नगेन्द्रप्रसाद संग्रौला, आयोजक समितिका अध्यक्ष विकास गिरी, बिर्तामोड-४ का वडाध्यक्ष राहुल शर्मा, बिर्तामोडका व्यवसायी सुभाष भट्टराई, झापा जिल्ला बास्केटबल संंघका अध्यक्ष प्रकाश लिङदेन, खेल संयोजक विशाल अग्रवाल, बिर्तामोड स्नुकरका खेमराज बुढाथोकी, नवल अग्रवाल लगायतले पुरस्कार प्रदान गरेका थिए ।
बिर्तामोड ४ नम्बर वडा खेलकुद विकास समिति सहआयोजक तथा बिर्तामोड स्नुकरको समन्वयमा आयोजित स्नुकर प्रतियोगितालाई आगामी वर्ष पनि निरन्तरता दिइने खेल संयोजक विशाल अग्रवालले जनाएका छन् ।
पुरस्कार वितरण कार्यक्रमको सञ्चालन नगर खेलकुद विकास समितिका सदस्य रमेश उप्रेतीले गरेका थिए ।
