उच्च शिक्षालय तथा माध्यमिक विद्यालय संघ नेपाल (हिसान) कोशी प्रदेशस्तरीय छात्र फुटबल प्रतियोगिताको उपाधी आदर्श स्कुल अफ मेनेजमेन्ट बिर्तामोडले हात पारेको छ ।
इटहरी रंगशालामा बिहिवार भएको फाइनल खेलमा झापाका दुई विद्यालय निदि स्कुल र आदर्श स्कुलले प्रतिस्पर्धा गरेका थिए । फाइनलमा निदिलाई ४-० गोल अन्तरले हराउँदै आदर्शले उपाधि जितेको हो ।
आदर्शलाई च्याम्पियन बनाउन रायन भट्टराईले ३ तथा नितेश लिम्बुले १ गोल गरेका थिए ।
फाइनल खेलको मेन अफ दी म्याच रायन भट्टराई भए भने प्रतियोगिताको बेस्ट गोलकिप्पर आदर्शका प्रशान्त दुलाल र बेस्ट डिफेण्डर आदर्शका क्षितिज अधिकारी भएका छन् ।
त्यसैगरी बेस्ट मिडफिल्डर निदिका बिबश मगर, बेस्ट फरवार्ड आदर्शका समिर हेमरम र निदिका दिवश बास्तोलाले बेस्ट प्लेयर एवार्ड पाएका थिए ।
झापा, मोरङ र सुनसरी जिल्लाका (हिसान) मा आबद्ध उच्च माध्यमिक विद्यालयहरु जिल्लामा विजेता र उपविजेताले प्रदेशस्तरीय खेलमा छनोट भएका थिए ।
