खेलकुद महासंघ मेचीनगरको अध्यक्षमा मदन भण्डारी

संवाददाता/ आइतबार, फागुन ११, २०८१

नेकपा एमाले निकट नेपाल खेलकुद महासंघको मेचीनगर कमिटीको अध्यक्षमा मदन भण्डारी सर्वसम्मत चयन भएका छन् ।

त्यस्तै उपाध्यक्षमा इन्द्र खड्का, महिला उपाध्यक्ष तुलसा दाहाल, सचिवमा अमर मेचे, सह-सचिवमा रबिन प्रधान र नर्मता न्यौपाने, कोषाध्यक्षमा रामकुमार लिम्बु चयन भएका छन् ।

नेपाल खेलकुद महासंघ झापाका उप-सचिव तथा आयोजक कमिटि संयोजक गणेश कार्कीको अध्यक्षतामा भएको अधिवेशनको प्रमुख अतिथि नेपाल खेलकुद महासंघका स्थायी कमिटी सदस्य चन्द्र प्रसाईं रहेका थिए ।

एमाले केन्द्रिय कमिटी सदस्य रविन कोइराला, एमाले मेचीनगर अध्यक्ष राजु कार्की, महासंघका जिल्ला इन्चार्ज किशोर कुमार पौडेल लगायतको आतिथ्यमा शनिबार सम्पन्न द्रोस्रो नगर अधिवेशनबाट भण्डारीको नेतृत्वमा नयाँ कार्यसमिति चयन भएको हो ।