उच्च शिक्षालय तथा माध्यमिक विद्यालय संघ नेपाल (हिसान) को प्रदेश स्तरिय छात्र तथा छात्रा भलिबल प्रतियोगिता सम्पन्न भएको छ ।
झापाको दमकमा भएको छात्र र छात्रा भलिबलका दुबै तर्फका झापा, मोरङ र सुनसरी जिल्लाका (हिसान) का जिल्लास्तरिय विजेता तथा उपविजेताको सहभागिता रहेको थियो । खेलमा छात्रतर्फ कान्तिपुर कलेज सुनसरी र छात्रातर्फ पूर्वाञ्चल सुनसरी प्रथम भएका छन् ।
खेलको छात्र तथा छात्राको दुबै तर्फको दोस्रो उपाधि आदर्श स्कुल अफ मेनेजमेन्ट बिर्तामोडले हासिल गर्न सफल भएको छ । छात्रतर्फ रेड स्टार पथरी र छात्रातर्फ सिद्धार्थ शिशु निकेतनलाई हराउँदै आदर्श फाइनलमा प्रवेश गरेको थियो ।
त्यस्तै छात्र तर्फको पाँच सेटको फाइनल खेलमा पहिलो, चौथो र पाँचौं सेट कान्तिपुर कलेजले र दोस्रो सेट आदर्श कलेजले जितेको हो ।
त्यसैगरी छात्रा तर्फ पूर्वाञ्चल कलेज सुनसरीले पहिलो, तेस्रो र चौथो सेट जितेको खेलमा दोस्रो सेट आदर्श कलेजले जितेको थियो ।
आयोजकले खेलाडीलाई प्रोत्साहन स्वरुप विजेता, उपविजेतालाई ट्रफी, प्रमाणपत्र र मेडल प्रदान गरेको आदर्श स्कुलका आउटरिच मेनेजर दीपक दासले जानकारी दिए ।
