चारआली जेसीजले इतिहास भोगेका अनि सुन्दर भविष्य बोकेका युवाहरुको लागि भाषणकला तथा उद्घोषण तालिमको आयोजना गरेको छ ।
त्रिदेव बहुमुखी क्याम्पस चारआलीमा आयोजना गरिएको तालिममा १०० जना भन्दा बढीको सहभागिता रहेको थियो ।
चारआली जेसिज वर्ष २०२५ का अध्यक्ष सुजुप सुवेदीको अध्यक्षतामा भएको तालिमको प्रमुख अतिथि त्रिदेव बहुमुखी क्याम्पस व्यवस्थापन समिति अध्यक्ष तथा चारआली जेसीजका मानार्थ सदस्य हरीप्रसाद घिमिरे रहेका थिए ।
उक्त तालिमको सहजीकरण कञ्चनजङ्गा एफएमका निर्देशक दिपेन्द्र पौडेलले गरेका थिए ।
वर्ष २०२५ का कार्यकारिणी उपाध्यक्ष उत्सव भट्टराईको संयोजकत्वमा भएको कार्यक्रममा त्रिदेव बहुमुखी क्याम्पसका प्रमुख गोपीकृष्ण भट्टराई, मात्रि शाखा धुलावारी जेसीज वर्ष २००२ का शाखा अध्यक्ष तथा शहिद दसरथ चन्द माध्यमिक विद्यालयका प्रधानाध्यापक केशव पौडेल, पब्लीक प्राध्यापक संघ त्रिदेव ईकाइ समिति अध्यक्ष सावित्रा दाहाल, क्याम्पस सहायक प्रमुख तेजप्रसाद खनाल, चारआली जेसीज वर्ष २०१९ का अध्यक्ष उत्तमप्रसाद पकुवाल, चारआली जेसीज वर्ष २०२२ का अध्यक्ष तथा नेपाल जेसीज वर्ष २०२३ का राष्ट्रिय उपाध्यक्ष जेसी बिरबहादुर बेघा (बिरु), चारआली जेसीज वर्ष २०२३ का अध्यक्ष संगित शिवाकोटी लगायतको उपस्थिती रहेको थियो ।
आस्था पाठ वर्ष २०२५ का स्टुडेन्ट नेटवर्क संयोजक ईश्वर रिजालले गरेको कार्यक्रमको सञ्चालन चारआली जेसीज वर्ष २०२५ का महासचिव भुपेन्द्र प्याकुरेल (निमेश) ले गरेका थिए ।
