नेपाली पुरूष खो खो टिम भारतमा जारी खो खो विश्वकपको क्वाटरफाइनलमा प्रवेश गरेको छ ।
बिहीबारको खेलमा भुटानलाई हराउँदै नेपाल क्वाटरफाइनलमा पुग्ने पक्का भएको हो ।
Advertisement
समूह ‘ए’ अन्तर्गत बिहीबार भएको खेलमा नेपालले तेस्रो जित निकाल्ने क्रममा भुटानलाई ९८-८ अंकको अन्तरले हराएको हो । त्यसअघि बुधबार भएको खेलमा नेपालले ब्राजिललाई १३४-८ को फराकिलो अन्तरले हराएको थियो ।
Advertisement
पहिलो खेलमा भारतसँग पराजित भएको नेपालले दोस्रो खेलमा पेरूलाई पराजित गरेको थियो । अब भुटानले भारतसँग खेल्न बाँकी छ । उक्त खेलपछि दुईमध्ये एक टोली क्वाटरफाइनलमा पुग्ने छन् ।
महिलातर्फ पनि नेपालले लगातार तीन खेल जित्दै क्वाटरफाइनलमा पुग्ने सम्भावना बलियो बनाएको छ । हरेक समूहबाट शीर्ष दुई टोली क्वाटरफाइनलमा प्रवेश गर्ने छन् ।
