बिर्तामोडमा आयोजित स्थानीय तह स्तरीय अन्तर विद्यालय १५ औँ राष्ट्रपति रनिङ शिल्ड प्रतियोगितामा बिर्तामोड-३ मा अवस्थित महेन्द्र रत्न मावि प्रथम भएको छ ।
‘स्वास्थ्यको लागि खेलकुद राष्ट्रको लागि खेलकुद’ भन्ने मुख्य नाराको साथ पुस ९ गतेदेखि आयोजित प्रतियोगितामा महेन्द्र रत्न मावि प्रथम भएको हो ।
यस्तै प्रतियोगितमा निधि मावि द्वितीय र महेन्द्र ज्योती मावि तृतीय भएका छन् ।
प्रतियोगितामा प्रथम महेन्द्र रत्नले ११ स्वर्ण, ९ रजत र ३ काश्य प्राप्त गरेको छ भने द्वितीय निधि माविले १० स्वर्ण, ४ रजत र ३ काश्य र तृतीय भएको महेन्द्र ज्योतिले १० स्वर्ण र ३ रजत प्राप्त गरेको छ ।
प्रथम, द्वितीय र तृतीयले क्रमश २० हजार, १५ हजार र १० हजार रुपैयाँ नगद र शिल्ड, प्रमाण पत्र प्राप्त गरेका छन् ।
विजयी विद्यालय र विद्यार्थीहरुलाई नगरपालिकाको सभाहलमा आयोजित एक कार्यक्रमका विच नगर प्रमुख पवित्रा महतारा प्रसाई, उपप्रमुख नगेन्द्रप्रसाद संग्रौला, प्रमुख प्रशासकीय अधिकृत मिलन भट्टराई, वडा नम्बर ३ का वडाध्यक्ष मदन बुढाथोकी र शिक्षा शाखा प्रमुख तिलचन भण्डारीले शिल्ड, मेडल तथा प्रमाण पत्र प्रदान गरेका थिए ।
