बिर्तामोडस्थित इडन गार्डेन अंग्रेजी विद्यालयले उत्कृष्ट सदन र खेलाडीलाई सम्मान गरेको छ ।
विद्यालयको ३६ औँ वार्षिक खेलकुद उत्सवको अवसरमा आयोजित क्रिकेट, ब्याटमिन्टन, एथलेटिक आदि खेलमा विजेता खेलाडी र उत्कृष्ट सदनलाई शुक्रबार सम्मान गरिएको हो ।
विद्यालय व्यवस्थापन समितिका अध्यक्ष समीसा सिटौलाको अध्यक्षतमा भएको कार्यक्रमको प्रमुख अतिथि बिर्तामोड नगर शिक्षा शाखा प्रमुख तिलचन भण्डारी रहेका थिए ।
सोही अवसरमा भएको अभिभावकको म्युजिकल चियरमा सुप्रिया मैनाली विजेता भएकी छन् । उनलाई नगद एक हजारसहित सम्मान गरिएको थियो ।
उक्त अवसरमा कार्यक्रमका प्रमुख अतिथि बिर्तामोड नगर शिक्षा शाखा प्रमुख भण्डारी, एन-प्याब्सन अध्यक्ष ओम नेम्बाङ्ग लगायतले शुभकामना मन्तव्य राखेका थिए ।
प्रकाश पाण्डेले मन्तव्यबाट स्वागत गरेको कार्यक्रमको सञ्चालन शिक्षक गीताराम आचार्य, कोसिस संग्रौला र सुमिरन दुलालले संयुक्त रुपमा गरेका थिए ।
