शनिवारदेखि शुरू हुने नेपाल प्रिमियर लिग (एनपीएल) क्रिकेटको उद्घाटन खेलको सबै टिकट बिक्री भएको छ ।

कीर्तिपुरको त्रिवि क्रिकेट मैदानमा हुने एनपीएलको उद्घाटनका लागि १० हजार वटा टिकट बिक्री भएको हो । १० हजारमध्ये ८ सय वटा भीआईपीतर्फका र ९ हजार २ सय वटा साधारणतर्फका टिकट बिक्री भएको नेपाल क्रिकेट सङ्घ (क्यान) ले जनाएको छ ।

Advertisement

क्यानले उद्घाटन खेलका लागि साधारणतर्फ ३ सय र भीआईपीतर्फ ७ सय रुपैयाँ टिकट दर तोकेको छ । यो हिसाबले उद्घाटनको दिनका लागि ३३ लाख २० हजार रुपैयाँ बराबरका टिकट बिक्री भएका छन् ।

एनपीएलको उद्घाटन खेलमा शनिवार विराटनगर किङ्ग्स र जनकपुर बोल्ट्स खेल्दै छन् ।