नेपाल प्रिमियर लिग (एनपीएल) को उत्कृष्ट नेपाली खेलाडीले गाडी पुरस्कार पाउने भएका छन् ।

नेपाल किकेट संघ (क्यान) ले मंगलबार एनपीएलको ड्रिभन बाई पार्टनरमा ओमोडा एण्ड जेईकोसँग सम्झौता गरेको हो ।

Advertisement

यस सम्झौताअनुसार ओमाडो एण्ड जेईकोले एनपीएलको उत्कृष्ट खेलाडीले गाडी पुरस्कार पाउनेछन् । क्यान सचिव पारस खड्काले एनपीएल सकिएपछि नेपाली क्रिकेट इतिहासमै पहिलोपटक उत्कृष्ट नेपाली खेलाडीले गाडी चढ्ने बताए ।

एनपीएलको ‘ड्रिभन बाइ’ सहप्रायोजकको रुपमा क्यानका सचिव पारस खड्का र ओमोडा एण्ड जेईको अटोमोबाइल्सको नेपालका लागि आधिकारिक विक्रेता एसपीजी अटोमोबाईल्सका निर्देशक गौरव शारडाले हस्ताक्षर गरेका हुन् ।

एनपीएल यही मंसिर १५ गतेदेखि सुरु हुँदैछ । एनपीएलको उद्घाटन खेलमा विराटनगर किंग्स र जनकपुर बोल्ट्सबीच प्रतिस्पर्धा हुनेछ ।