बिर्तामोडमा आजदेखि दाँत उपचारका लागि नयाँ क्लिनिक सञ्चालनमा ल्याइएको छ ।
नेशनल एडभान्स डेन्टल केयर बिर्तामोड नामक क्लिनिकको सेवा बिर्तामोड आई हस्पिटलको तेस्रो तल्लामा सुरु गरिएको हो ।
काठमाडौँको लाजिम्पाटमा १८ वर्षदेखि सञ्चालित एडभान्स डेन्टल केयरले पहिलो ‘फ्रेन्चाइजी’का रुपमा बिर्तामोडमा सेवा सुरु गरेको जनाइएको छ ।
डा.समीर अर्याल र डा.ज्योति अर्याल दम्पत्तीले काठमाडौँको क्लिनिकबाट गुणस्तरीय सेवा दिइरहेकाले मोफसलका सेवाग्राहीको सुविधाको लागि झापामा ‘फ्रेन्चाइजी’ सुरु गरिएको हो ।
दाँत उपचारका लागि बजारमा धेरैवटा क्लिनिक सञ्चालनमा रहेको भए तापनि प्राविधिक रुपमा सुविधा सम्पन्न पहिलो डेन्टल क्लिनिक नेशनल एडभान्स डेन्टल केयर बिर्तामोड रहेको दाबी गरिएको छ ।
नेशनल एडभान्स डेन्टल केयर बिर्तामोडको मुख्यद्वारमा टाँगिएको रिवन काटेर पूर्व अर्थसचिव, राष्ट्रिय योजना आयोगका पूर्व सदस्य, पूर्वराष्ट्रपति डा. रामबरण यादवका आर्थिक सल्लाहकार शम्भु शरणप्रसाद कायस्थले उद्घाटन गरेका हुन् ।
