अमेरिकाले क्रिकेटर सन्दीप लामिछानेलाई भिसा दिएको छ ।

क्रिकेट वर्ल्डकप लिग टू सिरिजका लागि उनी आजै बेलुका अमेरिका प्रस्थान गर्ने नेपाल क्रिकेट संघ (क्यान)ले जनाएको छ ।

Advertisement

लिग टू अन्तरगत अमेरिका, स्कटल्याण्ड र नेपालको सिरिज अक्टोबर २५ देखि सुरु हुनेछ ।

नेपाली टोलीका अरु सदस्य अमेरिकामै छन् । लिग टूको क्यानडा सिरिज खेलेर अरु खेलाडी अमेरिका गएका थिए । नेपाली टोलीले अमेरिकासँग टी-२० सिरिज खेलिरहेको छ ।

तर भिसा नपाएका कारण सन्दीप भने क्यानडाबाट नेपाल आएका थिए । अमेरिकाले टी-२० विश्वकपका बेला समेत सन्दीपलाई भिसा दिन अस्वीकार गरेको थियो ।