एन्फा महिला लिग फुटबलमा कोशी प्रदेशले लगातार तेस्रो जीत हात पारेको छ ।

ललितपुरको सातदोबाटोमा रहेको एन्फा कम्प्लेक्सको मैदानमा आज भएको खेलमा कोशीले कर्णाली प्रदेशलाई ४-० गोलले हराएको हो । कोशीका लागि पूर्णिमा राईले दुई गोल गरिन् भने समीक्षा मगर र प्रतीक्षा राईले समान एक गोल गरेका थिए ।

Advertisement

यो जीतसँगै कोशी ३ खेलमा ९ अङ्कसहित तालिकाको शीर्ष स्थानमा छ । कर्णाली भने ३ खेलमा १ अङ्कसहित नवौं स्थानमा छ ।