बिर्तामोड युनाइटेड फुटबल क्लब झापा अन्तर्राष्ट्रिय आमन्त्रण दोस्रो ताप्लेजुङ गोल्डकपको सेमिफाइनलमा प्रवेश गरेको छ ।
त्रिभुवन आर्मी फुटबल क्लब काठमाडौँलाई ३-० गोल अन्तरले स्तब्ध पार्दै बिर्तामाड सेमिफाइनलमा स्थान बनाउन सफल भएको हो ।
बिर्तामोडका लागि अभिशेख गुरुङले खेलको ४६ औ मिनेटमा गोल गदै टिमलाई अग्रता दिलाएका थिए । बिर्तामोडका तर्फबाट खेलको ६४ औ मिनेटमा देवेन्द्र तामाङले अर्को गोल थपे भने तेस्रो गोल हिप्सु थपलियाले ६५ औ मिनेटमा गरेका थिए ।
भदौ ८ गते हुने दोस्रो सेमिफाइनल खेलमा बिर्तामाड युनाइटेड फुटबल क्लबले सिरहाको सहलेश युवा क्लबसँगको भेट पक्का गरेको छ ।
पहिलो सेमिफाइनल खेल शुक्रबार सगरमाथा युथ क्लब मोरङ र संघर्ष स्पोर्टिङ युवा क्लब ताप्लेजुङबिच भानुजन माध्यमिक विद्यालयको खेल मैदानमा हुने आयोजक समितिका अध्यक्ष देवराज गुरुङले बताए ।
लाखेजात्रा पर्वको अवसरमा लाखेजात्रा सञ्चालन समितिद्वारा आयोजित प्रतियोगिताको विजेताले नगद ५ लाख, उपविजेताले २ लाख ५० हजार ५ सय ५५ रुपैयाँसहित ट्रफी, मेडल र प्रमाणपत्र प्राप्त गर्ने छन् ।
