नेपाल विरुद्धको पाँच खेलको सिरिज वेस्ट इन्डिज ‘ए’ ले एक खेल अगावै जितेको छ ।
आज भएको चौथो खेलमा वेस्टइन्डिज ‘ए’ ले नेपाललाई २८ रनले हराउँदै सिरिज जितेको हो ।
वेस्टइन्डिज ‘ए’ ले दिएको २ सय १० रनको लक्ष्य पछ्याएको नेपालले २० ओभरमा अलआउट हुँदै १८१ रन मात्र बनाउन सकेको हो ।
नेपालका लागि कप्तान रोहित पौडेलले सर्वाधिक ८२ रन बनाएका थिए भने दिपेन्द्रसिंह ऐरी, गुलसन झा र सन्दिप जोराले समान १९ रन बनाएका थिए ।
वेस्ट इन्डिज ‘ए’ का लागि म्याथ्यु फर्ड र हेडन वाल्सले समान तीन विकेट र फाबिएन एलेन र गुडाकेश मोतीले समान दुई विकेट लिएका थिए ।
यसअघि कीर्तिपुरको त्रिवि क्रिकेट मैदानमा टस जितेर ब्याटिङ गरेको वेस्ट इन्डिज ‘ए’ ले २० ओभरमा तीन विकेट गुमाएर २०९ रन बनाएको थियो ।
वेस्ट इन्डिज ‘ए’ का लागि आन्द्रे फ्लेचरले ८४, जोनसन चार्ल्सले ५८ र फाबिएन एलेनले ३३ रन बनाएका थिए ।
नेपालका लागि कुशल भुर्तेलले दुई र प्रतिस जि.सीले एक विकेट लिएका थिए ।
