बिर्तामोड, मंंसिर १२ । झापामा चोरी गरिएको एउटा मोटरसाइकलसहित एकजना पक्राउ परेका छन् । पक्राउ पर्नेमा बिर्तामोड नगरपालिका–५ निवासी २१ वर्षीय महमद अफरोज मिया रहेको जिल्ला प्रहरी कार्यालय झापाले जनाएको छ ।

पाँचथरको हिलिहाङ गाउँपालिका–२ घर भई हाल बिर्तामोड नगरपालिका–१ मा बस्दै आएका प्रेमकुमार श्रेष्ठको मे. १० प ६१२६ नम्बरको मोटरसाइकल पार्किङ गरी राखेको अवस्थामा सोमबार चोरी भएको थियो ।

Advertisement

मोटरसाइकल चोरी भएको सूचना पाएलगतै इलाका प्रहरी कार्यालय अनारमनीबाट खटिएको प्रहरी टोलीले खोजतलासमा गर्ने क्रममा मियालाई अर्जुनधारा नगरपालिका–८ स्थित शनिश्चरेबाट चोरिएको मोटरसाइकलसहित पक्राउ गरिएको प्रहरीले जनाएको छ ।
पक्राउ परेका उनलाई इलाका प्रहरी कार्यालय अनारमनीमा राखेर थप अनुसन्धान अघि बढाएको जनाइएको छ ।