पूर्वमन्त्री महेश बस्नेतको बिरोध गर्दै पहिचानवादीहरुको अर्जुनधारामा नारावाजी

संवाददाता/ बिहिबार, असोज २५, २०८०

झापा । पूर्वमन्त्री तथा नेकपा एमालेका पोलिटव्युरो सदस्य महेश बस्नेत आइनपुग्दै पहिचानवादीहरुले अर्जुनधारामा नारावाजी शुरु गरेका छन् ।
राष्ट्रिय युवा संघ अर्जुनधारा नगर कमिटीको प्रथम नगर अधिवेशनलाई उद्घाटन गर्न बस्नेत आउन लागेका हुन् । उनीसंगै युवा संघका अध्यक्ष क्षितिज थेबे पनि आउने भएका छन् ।

प्रदेशको नाम कोशी खारेजीको आन्दोलन चलिरहेको बेला नेता वस्नेतले पहिचान बिरोधी अभिव्यक्तिहरु दिदै आन्दोलनकारीहरुलाई उत्तेजित पार्ने कार्य गरेकोले पहिचानको लागि युवा सशक्त बिरोधमा उत्रिएको जनाइएको छ ।
बस्नेत आउने कार्यक्रममा झडप हुने संभावना बढेपछि सुरक्षा व्यवस्था कडा पारिएको छ ।