झापाको शिवसताक्षी नगरपालिकाबाट लागूऔषध ब्राउन सुगरसहित दुई युवती पक्राउ परेका छन् । पक्राउ पर्नेमा शिवसताक्षी र कमल गाउँपालिका स्थाई ठेगाना भएका युवती रहेका छन । जिल्ला प्रहरी कार्यालय झापाका अनुसार पक्राउ पर्नेमा शिवसताक्षी नगरपालिका ९ स्थित झरना टोल निवासी २४ वर्षीया झरना बिक र कमल गाउँपालिका ३ निवासी २४ वर्षीया सन्ध्या राई रहेका छन् । बिकले आफ्नै घरबाट लागूऔषध बिक्री वितरण गरिरहेको भन्ने गोप्य सूचनाको आधारमा इलाका प्रहरी कार्यालय झिलझिलेबाट खटिएको प्रहरी टोलीले उनको कोठा चेकजाँच गर्दा ३ ग्राम ५०० मिलिग्राम ब्राउन सुगर फेला पारेको थियो । त्यसपछि प्रहरीले बिकसँगै रहेकी राईलाई समेत पक्राउ गरी थप अनुसन्धानका लागि इलाका प्रहरी कार्यालय झिलझिलेमा राखिएको प्रहरीले जनाएको छ ।

Advertisement