झापाको शिवसताक्षीमा रहेको पर्यटकीय स्थल दोमुखा जाने सडक कालो पत्रे भएको छ । माईधार–दोमुखा खण्डकाे करिव २९ सय मिटर लामो सडक कालो पत्रे भएको हो ।

उक्त सडक निर्माणका लागि शिवसताक्षी नगरपालिकाले ४ करोड २४ लाख ८३ हजार २४५ रकम विनियोजन गरी कालो पत्रेकाे काम अघि बढाएकाे थियाे । जसमा शिवसताक्षी नगरपालिकाको रु २ करोड २४ लाख ८३ हजार २४५ रुपैयाँ र संघीय समपूरक कोषको रु २ करोड रकम रहेको थियाे । सडक ढलरहित ७ मिटर चौडाई कालोपत्रे भएको छ । जसमा तीनवटा बक्स कल्र्भड र दुई वटा ह्युमपाइप समेत निर्माण गरिएकाे छ ।

Advertisement

माईधार दाेमुखा सडक खण्ड सहित वरुण यन्त्रलाई चुनावी घाेषणा पत्रमै प्राथमिकतामा राखेका नगर प्रमुख मेगाहाङ्ग थाेप्रा (राेशन)ले पदभार ग्रहण गरेकाे एक बर्ष पूरा हुननपाई आफ्नाे प्रतिवद्दता पूरा गरेका हुन ।