बिर्तामोड । झापामा शिक्षकहरुको लागि ८० घण्टे तालिम हुने भएको छ ।
प्रविधि मैत्री शिक्षक समाजको आयोजनामा सामुदायिक बिद्यालयका शिक्षकका लागि तालिम आयोजना गरिएको समाजका अध्यक्ष टीका सुवेदीले जानकारी दिए ।
बिर्तामोडमा पत्रकार भेटघाट मार्फत शुक्रवार बाट हुने तालिमका विषयमा जानकारी दिदै समाजले शिक्षकहरू सैद्धान्तिक भन्दा पनि ब्यबहारिक बन्नु पर्नेमा जोड दिएको हो ।
झापाका भद्रपुर,बिर्तामोड ,कन्काई,शिवसताक्षी नगरपालिका ,कमल र गौरिगंज गाउँपालिकाको सहयोग र सहभागीता रहने जनाईएको छ ।
तालीममा डिजिटल शैक्षिक सामाग्री उत्पादन र प्रयोग सम्बन्धि कार्यशाला गरिने बताईएको छ ।
शिक्षकहरुको सूचना तथा प्रविधि सम्बन्धि जिल्ला स्थरीय प्रशिक्षण तालिम नाम दिईएको कार्यक्रम बाट सामुदायिक बिद्यालयमा आबद्ध शिक्षकले प्रबिधिको प्रयोग र ब्यबस्थापनका बारेमा प्रशिक्षण पाउने सचिब तिलक गजमेरले बताए ।
एक साता संचालन हुने तालिम ८० घण्टा रहने छ । पत्रकार भेटघाटमा समाजका सदस्य साजन कुमार लिम्बू ,लोकनाथ ढकालको उपस्तिथि रहेको थियो ।
