झापा । मनोक्रान्तिका प्रणेता तथा विश्वविख्यात दार्शनिक आध्यात्मिक गुरु डा: योगी विकाशानन्द द्वारा झापा कनकाई नगरपालिका ७ स्थित दुर्गापुरमा रहेको फक्ताङलुङ एजुकेशन फाउण्डेशनमा शनिबार एक दिने योग ध्यान हिप्नोसिस प्रवचन कार्यक्रम सम्पन्न भएको छ ।
विश्व परिवार झापाका कोषाध्यक्ष समेत रहेका साधक फक्ताङलुङ एजुकेशन फाउण्डेशनका पिन्सिपल ओमविक्रम नेम्बाङको समन्वयमा भएको उक्त योग ध्यान शिविरमा दार्शनिक विकासानन्दले आफ्ना साधकसहित पिडालाई नियन्त्रण गर्ने, रिस र आवेगलाई नियन्त्रण गर्ने विधिलाई प्रदर्शन गराएका थिए ।
कार्यक्रममा बोल्दै डाक्टर विकाशानन्दले संसारलाई बदल्नका लागि सुरुवात आफैबाट थाल्नुपर्ने भन्दै मानिसहरु मानशीक, शारिरीक, सम्बन्धलाई सुमधुर बनाउने र सम्पत्ति आर्जन गर्ने ध्यानमा सबै समय विताइरहेको र ती कुराहरु प्राप्त नर्गदा सधै दुखी हुने गरेको बताए ।
बिद्यालयका अध्यक्ष दुर्गा नेम्बाङको अध्यक्षतामा सम्पन्न कार्यक्रममा विश्व परिवार झापाका अध्यक्ष मेहर मगर, केन्द्रिय प्रतिनिधि गजेन्द्र नेङ्वाङ लगायातको आतिथ्गता रहेको थियो । कार्यक्रमको संचालन पत्रकार सरोज पौडेलले गरेका थिए भने स्वागत विद्यालयका सहयाक पिन्सिपल लक्ष्मी अधिकारीले गरेका थिए ।
सोही अशवरमा विद्यालय परिवारले योगी विकाशानन्दलाई सम्मान गरेको थियो भने विकाशानन्द फाउन्डेसन विश्व परिवारले झापालाई १ हजार थान मनोक्रान्ति र बिकासानन्द नामक पुस्तक समेत प्रदान गरेको छ । कार्यक्रममा विद्यार्थीहरुले नृत्य समेत प्रस्तुत गरेका थिए ।
