हल्दिवारी ,१५ बैशाख । हल्दीबारी गाउँपालिकाको चालू आर्थिक वर्षको चैत मसान्तसम्मको चालु खर्च तर्फ १९ करोड २१ लाख ४७ हजार ८ सय ७ रूपैयाँ खर्च भएको छ।
गाउँपालिकाले दिएको विवरण अनुसार आर्थिक बर्ष २०७९/२०८० को चैत मसान्तसम्मको मूख्य खर्च विवरण यस प्रकार रहेका छन्।
जनप्रतिनिधि पारिश्रमिकमा ३५ लाख ४४ हजार, पोशाकमा ७ लाख ७० हजार ३००, महंगी भत्ता ६ लाख २ हजार, कर्मचारी बैठक भत्ता ७ लाख ६६ हजार ८ सय ६८ रूपैयाँ, पदाधिकारीहरूको बैठक भत्ता ५ लाख ८ हजार खर्च भएको पाइएको छ ।
त्यसैगरी पानी र बिजुली ७ लाख ८८ हजार एक सय ५१ रूपैयाँ, संचार महसुस खर्च ६ लाख ५८ हजार १ सय ६३ रूपैयाँ, ईन्धन खर्च १२ लाख ५५ हजार ८३ रूपैयाँ, सवारीसाधन मर्मत १२ लाख ५७ हजार चार सय ८६ रूपैयाँ, बिमा तथा नविकरण खर्च ४ लाख ९५ हजार रूपैयाँ, मेसिनरी तथा औजार मर्मत सम्भार तथा सञ्चालन खर्च नौ लाख ७६ हजार ६ सय ३४ रूपैयाँ रहेको छ ।
त्यस्तै मसलन्द तथा कार्यालय सामाग्री २६ लाख १५ हजार छत्तीस रूपैयाँ, पुस्तक तथा सामाग्री खर्चमा २२ लाख ९७ हजार ६ सय ५७ रूपैयाँ, पत्रपत्रिका छपाई तथा सूचना प्रकाशन खर्च नौ लाख ६२ हजार ९ सय ८३ रुपैयाँ खर्च भएको बिवरणमा उल्लेख छ ।
त्यसैगरी सेवा तथा परामर्शमा खर्च २ लाख ९८ हजार तीन सय बीस रूपैयाँ, सूचना प्रणाली तथा सफ्टवेयर सञ्चालन खर्च ११ लाख ३२ हजार तीन सय ८६ रूपैयाँ, कार्यक्रम खर्च २ करोड ५५ लाख ११ हजार एक सय ८५ रूपैयाँ, विविध कार्यक्रम खर्च ६ लाख ४६ हजार चार सय ६५ रूपैयाँ, भ्रमण खर्च ७ लाख ६४ हजार एक सय ६५ रूपैयाँ र विविध खर्च २५ लाख ३६ हजार दुई सय १३ रूपैयाँ खर्च भएको जनाएको छ ।
