धाईजन चोक बाट प्रहरीले एक युवतीलाई ब्राउन सुगर सहीत पक्राउ गरेको छ । पक्राउ पर्नेमा मेचीनगर १३ स्थाइ ठेगाना भएकी २० वर्षीय अनुजा राजवंशी रहेको प्रहरीले जनाएको छ ।
उनको साथबाट प्रहरीले ९ ग्राम ब्राउन सुगर बरामत गरेको जनाएको छ । धाइजन चोक स्थीत सवारी चेक जाँचका क्रममा राजवंशी पक्राउ परेकी हुन ।
करीव पाँच महीना अगाडी उनकी आमा पनि लागुऔषध कारोवारकै कारण पक्राउ परेकी थिन । कारागारमा सजाय काटिरहेकी आमालाई भेट्न आँउदा प्रहरीलाई उनिमाथी पनि शंका लागेपछी उनलाई प्रहरीले निग्रानीमा राखेको थियो ।
प्रहरी चौकी चारआलीको प्रहरी टोलीले झापा मेचीनगर–१३ स्थित धाईजन चोक बिभिन्न सवारी साधनहरु चेकजाँच गर्ने क्रममा अनुजालाई पक्राउ गरिएको प्रहरीले जनाएको छ ।
शंका लागेपछी चेक जाँच गर्दा उनको साथमा ९ ग्राम ब्राउन सुगर भेटिएपछी पक्रउ गरिएको प्रहरीले जनाएको छ । ईलाका प्रहरी कार्यालय धुलाबारीमा राखेर थप अनुसन्धान भईरहेको छ ।
