झापा, २१ चैत । हल्दिबारी उद्योग बाणिज्य संघको आयोजना तथा आन्तरिक राजश्व कार्यालय झापाको सहकार्यमा एक दिवसिय राजश्व परामर्श अन्तरक्रिया कार्यक्रम सम्पन्न भएको छ ।
उद्योग बाणिज्य संघका अध्यक्ष सुमन्त मैनालीको अध्यक्षता तथा आन्तरिक राजश्व कार्यालय झापाका प्रमुख शुभ रिजालको प्रमुख आतिथ्यतामा भएको अन्तरक्रिया कार्यक्रममा हल्दिबारी क्षेत्रका उद्योग ब्यवसायीहरुको उपस्थिति रहेको थियो ।
कार्यक्रममा प्रमुख अतिथि शुभ रिजाल, कर अधिकृत सुरेस महतो, भिम प्रसाद आचार्यले करमा देखिएको समस्या, मिस्म्याच, लेजर प्रविधि लगायतका विषयमा जानकारी गराएका थिए ।
सरकारले ब्यवसायीले जानीनजानी गरेका मिस्म्याच वापतको रकम यहि चैत मसान्त सम्ममा तिर्न कर प्रमुख रिजालले सवै ब्यावसायीहरुलाई अनुरोध गर्दै हिसाव किताव राखि राजश्व बुझाउन समेत आग्रह गर्नु भएको छ । झापामा २५३२ जना ब्यापार ब्यावसाय गर्नेहरु आन्तरिक राजश्य कार्यालयको मिस्म्याचमा परेको बताउँदै सबैलाई सचेत रहन समेत आग्रह गर्नु भएको छ ।
हल्दिबारी गाउँपालिका भित्र ६७ जना ब्यावसायीहरु मिस्म्याचमा परेका छन भने कयौ ब्यवसायीहरुले पानमा दर्ता गरी कारोबार बन्द गरेको तथा पान बन्द नगरेको कारण भोली समस्यमा पने देखिन्छ । कार्यक्रममा स्वागत संस्थाका सचिव नेत्र विक्रम विमलीले गर्नु भएको थियो भने सहजीकरण महासचिव कृष्ण प्रसाईंले गर्नु भएको थियो ।
