बिर्तामोड । आगामी चैत ५ गते हुन गइरहेको इन्द्रचन्द्र क्याम्पस विर्तामोडको स्ववियु निर्वाचनमा अध्यक्ष पदमा निर्मल विश्वकर्मा लामगादेले उम्मेदवारी दिएका छन् ।
बिर्तामोड ५ मा रहेको क्याम्पसमा संगठनको तर्फबाट उम्मेद्बारी घोषणा संगै विद्यार्थीहरुले चुनावी गतिविधि लाई तिब्रता दिएका छन् । सामाजिक र सांगठनिक गतिविधिमा सकृय रहेको लामगादेको टिमले विद्यार्थीको पक्षमा काम गर्ने उल्लेख गरेको छ।
अनेरास्ववियुले स्ववियुको सचिवमा मन्जु रिजाल (संस्कृति) कोषाध्यक्ष गौरव भण्डारी र प्रत्यक्ष तर्फका सदस्यहरुमा स्वस्तिका महर्जन ,आकाश थापा ,भुमिका गिरि , अमिस भुजेल ,उज्वल घिमिरे ,मिना श्रेष्ठ , रामकाजी गिरि लाई उम्मेद्बार बनाएको प्रस्ताबक बलराम गिरिले बताए ।
शिक्षा संकाय तर्फ बि एड प्रथम बर्षमा अध्ययनरत लामगादे विद्यार्थीको हकहितमा लामो समय देखि कृयाशिल छन् । भोजपुरमा जन्मिएका उनी झापाको बिर्तामोड ५ मा रहि अध्ययन गर्दै आएका छन् ।कक्षा ११ मा पढ्दा देखि नेपाल कम्युनिस्ट पार्टी एमालेको राजनीतिमा आस्था बोकेका थिए ।
राजनीति र शिक्षा मार्फत समाज परिवर्तनमा होमिएका उनी हरेक विद्यार्थीका नेतृत्व समेत हुन् ।उनको अग्रसरतामा क्याम्पसमा नेतृत्व बिकास ,उद्घोषण तालीम संचालन संगै खेलकुद तथा विद्यार्थीको न्यायका लागि निरन्तर कृयाशिल छन् ।
