बालबालिकाको व्यक्तित्व बिकास र क्षमता अभिबृद्धि गर्ने उदेश्यले झापाको मेचीनगर १२ स्थित कालिका आधारभुत बिद्यालयमा सञ्चालीत ७ दिने उद्घोषण तालीम आईतबार सम्पन्न भएको छ ।
नेपाल आदिवासी जनजाती महासंघ मेचीनगर १२ को आयोजनामा गत फागुन १६ गतेबाट सञ्चालीत तालीममा ४० जना बालबालिकाहरु सहभागी भएका थिए ।
तालीमको तालीमको सहजीकरण सञ्चारकर्मी पुष्पा लिम्बु र तिला राईले गर्नुभएको थियो ।
आदिवासी जनजाती महासंघ मेचीनगर १२ का अध्यक्ष ज्ञान बहादुर थापा मगरको अध्यक्षतामा सम्पन्न तालीम समापन कार्यक्रममा बिद्यालय व्यबस्थापन समिति अध्यक्ष पदम सुनुवार , प्रधानाध्यापक बालक बन्धु रिजाल , शिक्षक नेत्र प्रसाद खतिवडा , शान्तीमार्ग टोलबिकास समितिका अध्यक्ष रेवत दाहाल , बिद्यालयका संस्थापक सदस्य राम बहादुर श्रेष्ठ , शिक्षक अभिभावक संघका अध्यक्ष जनकदिप लुहागुन , बिभिन्न जातीय संगठनका प्रतिनीधिहरुको उपस्थिती रहेको थियो ।
तालीमबाट सिकेका कुरा व्यबहारमा उतार्न कार्यक्रमका वक्ताहरुले सहभागी बालबालिकाहरुलाई आग्रह गरेका थिए । आफुहरुले पहिलोपटक लिएको यस प्रकारको तालीमले कुशल कार्यक्रम सञ्चालक बन्न उर्जा प्रबाह गरेको बालबालीकाहरुले अनुभव सुनाए ।
मनिला लिम्बुले स्वागत गरेको कार्यक्रममा बालबालिकाले गित गाएर आफ्नो प्रतिभा प्रस्तुत गरेका थिए । कार्यक्रमको सञ्चालन ५ जना बालबालिकाले पालैपालो गरेका थिए ।
