झापा । न्यूटन्स् बाल क्लबको छैटौं स्थापना दिवस रचनात्मक कार्यक्रम गरि मनाईएको छ ।
बिर्तामोड ५ स्थित एजुकेशन न्यूटन्स् एकेडेमीमा रहेको बाल क्लबले स्थापनाको अवसरमा सरसफाइ सम्बन्धि जनचेतना मुलक कार्यक्रम गरि मनाएको फोकल पर्सन मिनु शिवाकोटीले जानकारी दिईन् ।
क्लबले इलाका प्रहरी कार्यालय अनारनी ,मोहनमाया माध्यमिक बिद्यालयलाई १/१ थान र कनकाई आर्यघाट लाई २ थान डस्बिन हस्तान्तरण गरेको छ ।
बिद्यालयको सहयोग र क्लबका पदाधिकारीको सहकार्यमा कार्यक्रम गर्न सफल भएको क्लब अध्यक्ष अर्पणा लोहनीले बताइन् ।
बालबालिकाको अतिरिक्त क्रियाकलाप लाई सघाउँ पुर्याउन र सामाजिक उत्तरदायित्व निर्बाह गर्न चेतना मुलक कार्यक्रम गर्दै स्थापना दिवस मनाईएको प्रधानाध्यापक देबेन्द हुँमागाईले बताए । 
बालबालिकालाई सामाजिक गतिविधिमा सहभागी गराउदै असल नागरिक बनाउन घर-परिवार र बिद्यालयको महत्त्वपूर्ण भुमिका हुने इलाका प्रहरी कार्यालयका प्रहरी निरीक्षक रुगम बहादुर कुँवरले बताए । सोही अवसरमा प्रहरी कार्यालयको अवलोकन समेत बालबालिकाले गरेका थिए। 
बाल क्लबले विभिन्न समयमा सामाजिक ,शैक्षिक गतिविधि गर्दै आएको छ। बिर्तामोड नगरपालिकामा रहेका बिद्यालयमा आधारित ७५ वटा बिद्यालय मध्ये न्यूटन्स् बाल क्लबले रचनात्मक कार्यक्रम गर्दै आएको छ । 
कार्यक्रममा बिद्यालयका को-अर्डिनेटर परासर दाहाल ,फोकल पर्सन शिवाकोटी सहित ५० जना बालबालिकाको सहभागीता रहेको थियो ।
