बिर्तामोड १ पौष । नेपाल राष्ट्रिय शिक्षक संगठन बिर्तामोड नगर समितिको दोस्रो नगर परिषद सम्पन्न भएको छ ।
नगर समिति अध्यक्ष उमानाथ भण्डारीको अध्यक्षता रहेको कार्यक्रममा ६ जना सदस्यलाई आजिवन सदस्यता बिरतण गरिएको थियो ।
बार्षिक प्रतिवेदन प्रस्तुत गर्दै अध्यक्ष भण्डारीले संगठनले कृयाशिल रुपमा काम गरेको र शिक्षकका समस्यालाई सम्बोधन गर्न सफल भएको बताए । उनले शैक्षिक गतिविधिमा संगठनले स्थानीय सरकार संग समन्वय गर्दै गुणस्तरीय शिक्षामा जोड दिएको बताए ।
कोषाध्यक्ष मेदनी प्रसाद उप्रेती द्वारा आर्थिक प्रतिवेदन प्रस्तुत गरिएको कार्यक्रममा संगठनका पुर्व जिल्ला अध्यक्ष कृष्ण प्रसाद अधिकारी ,मेचीनगर अध्यक्ष रुद्र प्रसाद संग्रौला ,पेशागत माहासंघ उपाध्यक्ष उमानाथ प्याकुरेल लगायतले शुभकामना राखेका थिए ।
जिल्ला अध्यक्ष द्रोण बहादुर श्रेष्ठको प्रमुख आतिथ्य रहेको कार्यक्रममा शिक्षक संगठनमा आबद्ध बद्रीकुमार घिसिङ ,योगेन्द्रमणि दाहाल ,उमानाथ भण्डारी ,लक्ष्मण दाहाल ,दलबहादुर खड्का लाई आजिवन सदस्यको प्रमाणपत्र समेत बितरण गरिएको अध्यक्ष भण्डारीले जानकारी दिए ।
बिर्तामोड नगरपालिका भित्रका १८ वटा सामुदायिक बिद्यालयमा अध्यापनरत ३ सय ६५ जना शिक्षक मध्ये १ सय ४४ जना संगठनमा आवद्ध रहेका छन् । कार्यक्रमको संचालन सचिब गोबिन्द प्रसाद न्यौपानेले गरेका थिए ।
