झापा । झापाको सुरुङ्गामा युवा विद्यार्थीलाई लक्षित गरि विग सिफ्ट सेमिनार आयोजना हुने भएको छ ।
रोटर्याक्ट क्लब सुरुङ्गा र आइवाई डाइनामिकको संयुक्त आयोजनामा मंसिर २८ गते कनकाई अतिथ सदनमा सेमिनार आयोजना हुने कार्यक्रम संयोजक दिपेश तिवारीले आज पत्रकार सम्मेलन मार्फत जानकारी दिए ।
सौनक भट्टको एकल प्रस्तुति रहने कार्यक्रममा जिल्ला भरिका ८ सय जनाले सहभागीता जनाउने बताईएको छ । भट्ट युवा पुस्तामाझमा लोकप्रिय मोटिभेसनल प्रशिक्षक हुन्
मोटिभेसनल स्पिकर सौनक भट्ट ‘लाइफ कोच’का रूपमा परिचित व्यक्ति भएकाले उनलाई निमन्त्रणा गरिएको आईवाई डाईनामिक अध्यक्ष अभिषेक मिश्रले बताए ।
कक्षा ८ देखि १२ सम्मका विद्यार्थी र अन्य युवाहरुले लाभ लिने भएकाले सबैको सहयोगका निम्ति आयोजकले अपिल समेत गरेको छ।
पत्रकार सम्मेलनमा खेम प्रसाईं, प्रताबबाबू जम्मरकट्टेल,सारिका गिरिले युवा विद्यार्थीलाई सकारात्मक बाटोमा डोर्याउन सेमिनार गर्न लागिएको बताए ।
