झापा बिर्तामोड । बिर्तामोड १० स्थित बिराट आधारभुत बिद्यालयमा स्थापना गरिएको पुस्तकालयमा उज्यालो मनकामना बालक्लब द्धारा अवलोकन तथा सहयोग गरिएको छ ।
बिर्तामोड १ स्थित मनकामना माध्यमिक बिद्यालयमा रहेको उज्यालो मनकामना बालक्लबले बिराट पुस्तकालयको अवलोकन गर्दै बालबालिका द्धारा संकलन गरिएको ३० थान पुस्तक र नगद आर्थिक सहयोग गरिएको क्लबका सचिव सिकुम आङ्बोहाङले जानकारी दिईन् ।
बिराट बालक्लब अध्यक्ष बिनिसा कोईरालाको अध्यक्षता तथा उज्यालो मनकामना अध्यक्ष नेहा गिरिको प्रमुख आतिथ्यता रहेको थियो।
कार्यक्रममा बालबालिका तथा शिक्षा संचार मञ्चका संयोजक सरोज पौडेल ,बिद्यालयका सह प्रधानाध्यापक भद्रकला प्रसाईं ,बालक्लब फोकल पर्सन सरिता पौडेल लगायतले आ-आफ्ना धारणा राखेका थिए।
कार्यक्रमको सहजीकरण बिराट बालक्लब फोकल पर्सन रंगलाल न्यौपानेले गरेका थिए।

Advertisement