बिर्तामोड– आदर्श स्कूल अफ म्यानेजमेन्टको आयोजना र सुरुवाती कोठा नेपाल झापा तथा एनएमबि बैकको सहकार्यमा वित्तिय साक्षरता सम्वन्धी कार्यशाला सम्पन्न भएको छ । विद्यार्थीका लागि उक्त कार्यशाला आयोजना गरिएको हो ।

आदर्श कलेजकी एकाडेमिक कोर्डिनेटर विजया भण्डारीको अध्यक्षतामा भएको कार्यशाला तालिम संयोजक दीपक दासले सञ्चालन गरेका छन् ।

Advertisement

कार्यशालामा बैक तथा वित्तिय संस्था, बचत गर्ने बानी, बैकको महत्त्व, बाल बचत, आधुनिक बैकिङ प्रणाली लगातयका विषयमा छलफल गरिएको छ ।

एनएमबि बैंक चन्द्रगढी शाखाका प्रमुख विश्वास आचार्य र कर्मचारी आशिष तिम्सिनाले कार्यशालामा सहजीकरण गरेका छन् । कार्यशालामा एनएमबि बैंकका कर्मचारी सरोज अधिकारी, दिव्या लुइटेलसहित ७० जना विद्यार्थीको सहभागिता रहेको थियो।