असोज १६ बिर्तामोड । बिर्तामोड ४ मा रहेको सयपत्री टोल बिकास समितिले शुभकामना आदानप्रदान तथा सम्मान कार्यक्रम सम्पन्न गरेको छ। 
समितिको आयोजनामा आयोजित कार्यक्रममा टोललाई सहयोग गर्ने सहयोगीहरुलाई कदर पत्र तथा दोसल्लाले सम्मान गरिएको कोषाध्यक्ष सुजन थपलियाले जानकारी दिए।
वडाध्यक्ष राहुल शर्माको प्रमुख आतिथ्यता रहेको कार्यक्रममा बालबालिका तथा शिक्षा संचार मञ्चका संयोजक सरोज पौडेल ,टोल कमिटीका विभिन्न ब्यक्तिहरुले शुभकामना राखेका थिए ।
प्रमुख अतिथि शर्माले वडाको महत्त्वपूर्ण अंग भनेको टोल समिति भएकाले सहकार्य गर्न र रचनात्मक कार्यक्रम संचालन गर्न आग्रह गरेका थिए । बिर्तामोड ४ नम्बर वडा सहरीकरण भएका कुनै खाली जग्गा प्राप्त भए पार्क निर्माण गर्ने प्रतिबद्धता ब्यक्त गरेका छन् । 
अध्यक्ष खगेन्द्र कुमार थापाको अध्यक्षता रहेको कार्यक्रमको संचालन सचीव बिज्ञान दाहालले गरेका थिए ।
