२७ माघ, बिर्तामोड । झापाको बिर्तामोडमा रहेको बि एण्ड सि अस्पतालले गत माघ १९ गते एउटा पत्रकार सम्मेलन गरेको थियो । त्यो भन्दा अघिल्लो दिन सेतोपाटी डटकममा प्रकाशन भएको समाचारको खण्डन गर्नकालागि आयोजीत पत्रकार सम्मेलनमा अस्पतालका कार्यकारी निर्देशक दुर्गा प्रसाईले अब पत्रकारका विरुद्धमा उत्रने भन्दै पत्रकार सम्मेलन मार्फतनै चेतावनी दिए ।
पत्रकार सम्मेलन सकेर बाहिर निस्कने क्रममा प्रसाईले पछिल्लो समय आफुलाई र आफ्नो व्यवसायमा सहयोग नगरेको भन्दै २ जना पत्रकारमाथी आक्रोस पोखे ।
नामनै किटान गरेर उनले आफुबाट आर्थीक लाभ लिएको भन्दै आक्रोस पोखेका थिए । उनले पत्रकार महासघं झापाका अध्यक्ष तथा पूर्वाञ्चल दैनिकका प्रधान सम्पादक एकराज गिरी र सोहि सञ्चार गृहमा काम गर्ने नेपाल पत्रकार महासघं एक नं प्रदेश समितीका कार्यसमित सदस्य पत्रकार सुरेन्द्र भण्डारीको नामनै तोकेर आरोप लगाए । उक्त घटना झापाको पत्रकारिता जगतमा अहिले खैलाबैला भइरहेको छ ।
प्रसाईको भनाईपछी पत्रकार महासघं झापाले प्रसाईका विरुद्धमा प्रेस विज्ञप्ती प्रकाशन गरेको थियो । तर उक्त बिज्ञप्ती प्रसाईले अब पत्रकारका विरुद्धमा लाग्ने भन्नेबारेमा दिइएको अभिव्यक्तिमा मात्रै केन्द्रित थियो ।
विज्ञप्तीमा महासघंका सचिव डिकेस लामाले हस्ताक्षर गरेका थिए । तर अध्यक्ष गिरी र प्रदेश सदस्य भण्डारीका बारेमा बोलेको अभिव्यक्तिका बारेमा भने महासघंको त्यो विज्ञप्तीमा केहि पनि उल्लेख गरिएको थिएन । जिल्लाबाट बिज्ञप्ती प्रकाशन भएको केहि समयपछि महासघंको केन्द्रले पनि सोहि व्यहोराको विज्ञप्ती प्रकाशन गर्यो ।
त्यसमा पनि पनि गिरी र भण्डारीलाई प्रसाईले लगाएको आरोपको कुनै खण्डन थिएन । यस्तै यसको भोलीपल्ट महासघंको प्रदेश एक कमिटीले पनि सोहि व्यहोराको बिज्ञप्ती प्रकाशन गरेको थियो ।
यता प्रेस चौतारी झापाले भने आरोपित पत्रकार द्वय गिरी र भण्डारी माथी लागेको आरोप बारे छानबिन गर्न माग गर्दै आज एक प्रेस बिज्ञपति जारी गरेको छ ।
प्रेस चौतारी झापाका अध्यक्ष मनकुमार गदालले हस्ताक्षर गरेको बिज्ञप्तीमा भनिएको छ ‘ पत्रकारिता जगतको प्रतिष्ठा नै धमिलो बनाउने, प्रेस क्षेत्रको गरिमालाई तासेर पातलो बनाउने गरी शाखा अध्यक्ष गिरी पत्रकार भएको नाताले विना कामको नै तीन वर्षसम्म हस्पिटलबाट पैसा लिएको र प्रदेश सदस्य भण्डारीलाई घर बनाइ दिएको भन्ने हस्पिटलका निर्देशक प्रसाईको आरोप बीचमा भएको सत्य तथ्य छानविन र दोसी पहिचान गरी कार्वाही गर्न जोडदार माग गर्दछौ ।
यसमा पत्रकार महासंघका नेतृत्वबाट आफ्नो अध्यक्ष तथा पूर्वाअञ्चल पत्रिकाको सम्पादक पदको दुरुपयोग गरि गिरी र पत्रकारिता र महासंघको प्रदेश समिति सदस्य रहेका भण्डारीबीच भएको घटनाको तत्काल नेपाल पत्रकार महासघं केन्द्रिय समिति र प्रेस काउन्सिलबाट छानविन गरि सत्यतथ्य बाहिर ल्याउन जोडदार माग गर्दछौ । यदी पत्रकारिताको वदनाम गर्न सञ्चालक प्रसाईले झुटा अभिव्यक्ति दिएको हो भने यस्तो बिषयमा पत्रकारिता पेशालाई सम्मान गरी पुन यस्ता अभिब्यक्ती सच्याउन माग गर्दछौ । ’
