अनेरास्ववियुद्वारा पेट्रोलियम पदार्थको मुल्य वृद्धिको विरोध

संवाददाता/ शुक्रबार, माघ ०७, २०७८

७ माघ, झापा । नेकपा एमाले निकट विद्यार्थी संगठन अनेरास्ववियु झापाले पेट्रोलियम पदार्थमा भएको मुल्य वृद्धिको बिरोध जनाएको छ ।

जिल्ला कमिटी झापाको आयोजनामा जिल्लाका विद्यार्थी नेताले सांकेतिक रुपमा जुलुस र खबरदारी गरेका हुन । उनिहरुले परमादेशी सरकारको निरन्तर अस्वाभाविक मुल्य वृद्धि गरेको भन्दै यसबाट आम नागरिकलाई दैनिक जिवनमा समस्या परेकाले बिरोध जनाएको बताएका छन् ।

बिर्तामोडको मुक्ति चौक स्थित कोणसभा लाई संबोधन गर्दै संगठनका अध्यक्ष रोशन लामाले नेता मुखि सत्ता र संविधान बिपरित सरकार भएकाले जनताले दु:ख पाएको र मुल्य फिर्ता नभए आन्दोलनको नेतृत्व झापाबाट हुने चेतावनी दिए। यस्तै एमाले जिल्ला कमिटी सदस्य टिका मंग्रान्तिले जनताको ढाड सेक्ने र ओलि सरकारले ब्यबस्थापन गरेको खोप समेत लुकाएर सरकारले बितन्डा मच्चाएको आरोप लगाए ।