एकता बालक्लबको बालमैत्री सम्बन्धि अन्तरक्रिया

संवाददाता/ सोमबार, पुष २६, २०७८

झापा । कन्काई नगरपालिका ५ मा रहेको एकता बालक्लबले बालमैत्री सम्बन्धि अन्तरक्रिया कार्यक्रम सम्पन्न गरेको छ।

जनप्रतिनिधि ,टोल बिकास समितिका अध्यक्ष ,शिक्षक ,बालबालिकाको सहभागीता रहेको कार्यक्रममा बाल मैत्री स्थानीय तह निर्माण र बाल सहभागिताका बिसयमा अन्तरक्रिया भएको क्लबका अध्यक्ष अनुप भट्टराईले जानकारी दिए।

बालबालिका तथा शिक्षा संचार मञ्चका संयोजक सरोज पौडेलको सहजीकरण रहेको कार्यक्रममा वडाध्यक्ष कृष्ण बहादुर राई ,बाल कल्याण अधिकारी उमानाथ ढकाल बाल संजाल अध्यक्ष अभिषेक मिश्र टोल विकासका अध्यक्ष लगायतले बाल मैत्री नगर निर्माणमा स्वार्थ रहित ढंगले बालबालिकाका लागि सहयोग गर्ने प्रतिबद्धता ब्यक्त गरे ।

कन्काई नगर बाल मैत्री स्थानीय तह निर्माण गर्ने अभियानका साथ गतिविधि गर्दै आएको छ । कार्यक्रमको संचालन चन्द्र प्रकाश गजमेर गरेका थिए ।