२२ पुस, बिर्तामोड । जाडो याममा असहाय विपन्नका लागि यस वर्ष पनि बिर्तामोड ३ सैनिकमोडमा कपडा बैंकले उत्साहका साथ कपडा बितरण गर्दै छ ।
नेपाली टोपी दिवसको अवसर पारेर कपडा बैंकको उद्घाटन गरिएको थियो । एमकेके ग्रुप , दारी ग्याङ,अनारमनी सोसियल युथ क्लब , एएसवाईसी , लुगा घर ,मेची महाकाली सरसफाई , रोट्रयाक्ट क्लब , पूर्वेली मजदूर यातायात प्रालि ,सैनिकमोड छठ समितिलगायतका संस्थाहरुले संयुक्त रुपमा कपडा बैंक संचालन गरेका थिए ।
आयोजक कैलाश प्रसाईका अनुसार ५० जना दाताले कपडा दिए भने १ हजार जनाले कपडा बैंक लाई दिएका छन् । बिहान ८ बजे बाट बेलुका ५ बजे सम्म कपडा लिने र दिनेको भिड हुने गरेको एम के के का अध्यक्ष आकाश उप्रेतीले बताए ।
गाउँ गाउँमा गएर विभिन्न समूहले यसरी कपडा बितरण गरिने कार्यक्रम भन्दा पनि यसरी आवस्यक हुनेले आएर लगेमा सदुपयोग हुने भएकाले बैंकको प्रभावकारी हुने आयोजक दिनेश मैनालीले बताए ।
चिसो बढेसंगै न्यानो कपडाको अभावमा रहेकाहरुको लागि सहयोग गर्ने उद्धेश्य लिएर कपडा बैंक संचालन गरिएको कार्यक्रम संयोजक कैलाश प्रसाईले बताए । उनले कपडा हुनेहरुलाई आएर सहयोग गर्न र नहुनेलाई आबश्यक कपडा लिएर जान आव्हान गरेका थिए । बैंकमा जुत्ता ,चप्पल र जाडोको राखिएको छ।
