बिर्तामोड । नेकपा एमाले बिर्तामोड नगर कमिटीको नेतृत्वमा सहमति नजुटेपछि निर्वाचन प्रक्रिया अघि बढेको छ । निर्वाचनका लागि मनोनय दर्ता गरिएको छ। सबै पदमा उम्मेद्वारी दर्ता भएको छ ।
बिर्तामोडको अध्यक्ष पदमा ४ जनाले उम्मेद्वारी दर्ता गराएका छन् । सुवास भट्टराई, , नगेन्द्र संग्रौला उमानाथ ओली र कृष्ण मिश्रले अध्यक्षमा उम्मेद्वारी दिएका छन् । नगर अध्यक्षका लागि १४ जना आकांक्षी थिए ।
त्यसमध्ये १० जनाले बुधबार साँझ पछि हटेपछि आज विहान आइपुग्दा थप १ जना बर्तमान उपाध्यक्ष नन्दलाल खरेलले समेत अध्यक्षमा उम्मेद्वारी नदिने भएपछि ४ जनाले मात्रै उम्मेद्वारी दिए ।
यस्तै, उपाध्यक्ष, सचिव, उपसिचवमा ५ जनाभन्दा बढीको उम्मेद्वारी परेको छ । निर्वाचन समयभन्दा अघि सहमति जुटेन भने बिर्तामोड एमालेमा निर्वाचन हुने निश्चित भएको छ ।
तर कार्यकर्ता पङ्ती बाट सर्वसम्मत नेतृत्व चयन गर्न तबाब दिएका छन् ।
