झापा । कनकाई नगरपालिका वडा नं.५ मा किरात लिम्बू जातिहरुको प्रतिनिधि मूलक संस्था किरात याक्थुङ चुम्लुङको वडा समिति गठन भएको छ ।
किरात याक्थुङ चुम्लुङ सुरुङ्गा शाखाका पूर्व अध्यक्ष कर्ण फावेनको अध्यक्षता तथा राष्ट्रिय चुम्लुङ सदस्य अमृत योङहाङको प्रमुख आतिथ्यता सम्पन्न भेलाले गणेश बहादुर लिम्बूको अध्यक्षतामा ११ सदस्यीय वडा कार्य समिति चयन गरेको छ ।
समितिको उपाध्यक्षमा विकिन्द्र सुब्बा, सचिवमा तुलसी वनेम, सह सचिवमा ईन्दीरा लिम्बू, कोषाध्यक्षमा सुकमाया लिम्बू र सदस्यहरुमा तेजबहादुर हेम्भ्या, भिमबहादुर लिम्बू , कुलबहादुर मादेन, मदन लिम्बू, शुक्रराज आङवुहाङ र गतबहादुर लिम्बू सर्वसम्मत चयन भएका थिए ।
कार्यक्रममा कियाचुका पूर्व जिल्ला सदस्य भक्तबहादुर मेयाङवो, कनकाई नगर अध्यक्ष प्रेमकुमार फोम्बो लगायतले मन्तव्य राख्नु भएको थियो भने कार्यक्रम संचालन नगर सचिव गोविन्द साँवाले गर्नु भएको थियो ।
