मेचीनगरको निन्दा खोलामा महिलाको शव फेला

संवाददाता/ मङ्गलबार, साउन २६, २०७८

झापा । निन्दा खोलामा एक महिलाको शव बेवारिसे अवस्थामा फेला परेको छ ।

मङ्गलवार बिहान साढे ९ बजे मेचीनगर नगरपालिका १५ निलकोठी स्थित निन्दा खोलाको बिच भागमा सोही नगरपालिका निवासी ६० वर्षीया सलकी भेसरा (र्मुर्मु) को शव फेला परेको प्रहरी कार्यालय झापाका डिएसपी राकेश थापाले जानकारी दिए ।

महिलाको शवलाई पोस्टमार्टमका लागि मेची अस्पताल भद्रपुर पठाइएको छ ।

पहिचान नखुलेको महिलाको शव खोलामा घोप्टो परेको अवस्थामा फेला परेपछि इलाका प्रहरी कार्यालय धुलाबारी र प्रहरी चौकी ज्यामिरगढीको प्रहरी टोली घटनास्थल पुगेका थिए ।

शवको पहिचान नखुलेको अवस्थामा मृतकका छोरा हुपना र्मुर्मुले मेरो आमा हो भनी पहिचान गरेका थिए ।