झापा । बिर्तामोड नगरपालिका ९ स्थित देवकोटा आधारभूत बिद्यालयमा युवा व्यावसायिले आवस्यक रंगरोगनका लागि सहयोग प्रदान गरेका छन् । बिर्तामोडका युवा मोहन खतिवडाले करिब ८५ हजार बराबरको आवस्यक सामाग्री आज हस्तान्तरण गरेका छन् ।
रङका सामाग्री हस्तान्तरण गर्दै खतिवडा र अर्का व्यावसायि अशोक चौलागाईंले आगामी पुस्ता निर्माण गर्ने बिद्यालय भएकाले विद्यार्थी पढ्ने बाताबरण बाल मैत्री हुनु पर्ने बताए ।
उनिहरुले आगामी दिनमा बिद्यालय लाई रचनात्मक सहयोग गर्ने प्रतिबद्धता ब्यक्त गरेका छन् । कार्यक्रममा प्रध्यानाध्यापक मुकुन्द रेग्मी , ब्यबस्थापन समितीका गंगा भण्डारी ,सहदेब थपलिया लगायतको उपस्थिति रहेको थियो ।
स्थानीय युवाहरुको पहलमा शुरु भएको निर्माण कार्यले थप गति लिएको र सम्पुर्ण काम सक्न लगभग १२ लाख खर्च हुने अनुमान गरिएको छ । बिद्यालयमा निर्माणाधीन सरस्वतीको मन्दिर निर्माण कार्य अन्तिम चरणमा रहेको छ ।
बिद्यालय परिसर तथा कक्षाकोठामा रङरोगन तथा अन्य भौतिक निर्माण कार्य धमाधम भइरहेको समितीका अध्यक्ष सरोज पौडेलले बताए ।
