झापा । नेपाल कम्युनिस्ट पार्टी एमाले बिर्तामोड नगर कमिटीले बिर्तामोड नगर अस्पताललाई अक्सिजन सिलिन्डर दिने भएको छ ।
अक्सिजनको चरम अभावको मध्यनजर गर्दै ५० थान अक्सिजन सिलिन्डर खरिद गरि बिर्तामोड नगर अस्पताललाई हस्तान्तरण गर्ने निर्णय गरेको नगर सचीव सुभाष भट्टराईले जानकारी दिए ।
आगामी तीन दिन भित्रमा रकम जम्मा गरि खरिद प्रक्रिया अगाडि बढाईने भट्टराईले जानकारी दिए ।
प्रति सिलिन्डर १५ हजार पर्ने र ५० वटा लाई ७ लाख ५० हजार रुपैयाँ खर्च हुने भएकाले पार्टी ,आम उद्योगी व्यवसायी ,जनप्रतिनिधि ,कर्मचारी तथा दाता महानुभावहरुलाई यस महान अभियानमा सहभागी भइ आर्थिक सहयोगका लागि अनुरोध गर्दै नगर भित्रमा रहेका बिरामीलाई सहयोग पुग्ने भएकाले यो अभियान थालिएको बिर्तामोड वडा नम्बर ३ का इन्चार्ज मदन बुढाथोकीले बताए ।
हाल नगर अस्पतालमा १० वटा अक्सिजन सिलिन्डर रहेको र थप संक्रमित बढ्दै गएकोले पार्टीले सहयोगका हात अगाडि बढाएको नेताहरु बताए ।
